Միլուոքիում  արձանագրվել է ՄԻԱՎ–ի եւ սիֆիլիսի համաճարակ

ԱՄՆ Միլուոքիի առողջապահության նախարարությունն ահազանգում է՝ կապված 2017 թվականին արձանագրված ՄԻԱՎ–ով եւ սիֆիլիսով  վարակվելու դեպքերի թվի աճի հետ։ Վարակակիրների թվում են հայտնվել անչափահաս երեխաներ եւ նույնիսկ մանուկներ։ 600 000 բնակչություն ունեցող քաղաքում 12 ամիսների ընթացքում գրանցվել է ՄԻԱՎ–ի եւ սիֆիլիսի 125 նոր դեպք։

«Սա ընդունված չէ բավականաչափ լուսաբանել, ինչը բերում է վտանգի ավելացմանը, որից կարելի էր խուսափել»,–հայտնել է հանրային առողջապահության ոլորտում մասնագիտացած տեղական ոչ առեւտրային կազմակերպություններում աշխատող հանրային առողջության խորհրդատու Մելիսա Ուգլանդը։

Քաղաքի առողջապահության դեպարտամենտը տեղեկացրել է 15-24 տարեկան երիտասարդների շրջանում սեռական ճանապարհով փոխանցվող վարակների տագնապալի աճի մասին: Վարակման բարձր մակարդակը դասակարգվում է որպես համաճարակ ՄԻԱՎ–ով կամ վեներական հիվանդություններով տառապող կլաստերի կամ մարդկանց խմբի պարագայում։

Ուգլանդի խոսքով, կլաստերային վարակը դեռ շարունակվում է եւ այդ թիվը կարող է ավելանալ։