«Էրեբունի» բժշկական կենտրոնում եռյակ է ծնվել

«Էրեբունի» բժշկական կենտրոնում օրերս եռյակ է ծնվել: NEWS.am Medicine -ի թղթակցի հետ զրույցում հիվանդանոցի լրատվական ծառայության ղեկավար Շուշան Հունանյանը նշեց, որ 32-ամյա մայրը հղիության 31 շաբաթում լույս աշխարհ է բերել երկու տղա եւ մեկ աղջիկ:

Աղջկա քաշը 1 կգ 580 գրամ, տղաներից մեկինը՝ 1կգ 650 գրամ, մյուսինը՝ 1կգ 250 գրամ: Շուշան Հունանյանն ասաց, որ թե մոր, թե երեխաների առողջական վիճակը լավ է: