Բրիտանիայի Դանդիի համալսարանի գիտնականները առաջարկել են նոր մեթոդ, որը կարող է նկատելիորեն հեշտացնել շագանակագեղձի քաղցկեղի ախտորոշումը:
Այժմ շագանակագեղձի քաղցկեղի հայտանբերումը բավական բարդ է: Այս հիվանդության կասկածների դեպքում, հիվանդներին նշանակում են մի շարք ընթացակարգեր, ինչպիսիք են ՄՌՏ-ն, բիոպսիան եւ ուռուցքային մարկերի թեստը:
Դանդիի համալսարանի գիտնականներն առաջարկում են կիրառել ախտորոշման նոր մեթոդը: Նրանց խոսքով՝ ուլտրաձայնային հետազոտությունը բավականին էժան է եւ գոյություն ունեցող մեթոդներից ավելի ճշգրիտ:
Ուռուցքի հյուսվածքների առաձգականությունն ավելի թույլ է, քան առողջների մոտ: Հյուսվածքների առաձգականությունը հնարավոր է գնահատել ուլտրաձայնային հետազոտության հատուկ տեխնոլոգիայի միջոցով՝ տեղաշարժային ալիքի էլաստոգրաֆիայի:
Այս պահին փորձին մասնակցել է 200 մարդ: Կիրառելով վերը նշված տեխոնոլոգիան, հետազոտողները կարողացել են հայտնաբերել այն ուռուցքները, որոնք հնարավոր չէր ՄՌՏ-ի միոջոցով գտնել:
Գիտնականները մտադիր են շարունակել հետազոտություններն այդ ուղղությամբ եւ հույս ունեն, որ մեթոդը կօգնի շատ կյանքեր փրկել: