5 օգտակար մթերք՝ շաքարային դիաբետի դեպքում
19:34 30 ապրիլի, 2018Շաքարախտի դեպքում սխալ է հույս դնել միայն ճիշտ դիետայի վրա. արյան մեջ գլյուկոզայի մակարդակի արդյունավետ վերահսկման համար անհրաժեշտ է նաեւ ֆիզիկապես ակտիվ լինել եւ, իհարկե՝ ընդունել բժշկի կողմից նշանակված դեղորայքը: Սակայն շաքարախտի դեպքում դիետան եւս չափազանց կարեւոր է. որոշ մթերքներ բարելավում են ինքնազգացողությունը եւ օգնում խուսափել արյան մեջ գլյուկոզայի մակարդակի մեծ տատանումներից:
Դդմի սերմեր
Դդմի սերմերի մեջ մեծ քանակությամբ մագնիում եւ օմեգա-3 ճարպաթթուներ կան, որոնք արագացնում են «վնասակար» խոլեստերինի եւ ավելցուկային շաքարի արտանետումն օրգանիզմից: Հետեւաբար, ցանկալի է դդմի սերմերն ավելացնել ամենօրյա սննդակարգի մեջ՝ չմոռանալով, սակայն, որ դրանք շատ կալորիական են. 100 գրամը մոտ 450 կկալ է պարունակում:
Թեփեր ու ամբողջական հացահատիկային մթերքներ
Ցորենի եւ վարսակի թեփերը, ինչպես նաեւ ամբողջական հացահատիկային մթերքները նպաստում են արյան անոթների՝ խոլեստերինից մաքրմանը, ինչպես նաեւ կարգավորում են գլյուկոզայի մակարդակն արյան մեջ:
Ընկույզ
Ընկույզը շատ մարգանեց եւ ցինկ է պարունակում, ինչը նպաստում է արյան մեջ շաքարի մակարդակի նվազեցմանը: Բացի այդ, շաքարի ավելցուկի հետ պայքարել օգնում է բջջանյութերի մեծ քանակությունը, ճարպաթթուները, կալցիումը եւ վիտամին D-ն, որոնք առկա են ընկույզի մեջ:
Լոբի
Լոբազգիները բջջանյութերի եւ հակաօքսիդանտների գերազանց բնական աղբյուր են, որոնք բարելավում են արյան կազմը եւ ակտիվացնում են ճարպային նյութափոխանակությունը:
Ավոկադո
Ավոկադոյի օգտագործումը, ըստ մասնագետների, օգնում է նվազեցնել գլյուկոզայի մակարդակը՝ դրանում մոնոսախարիդի մաննոգեպտուլոզի առկայության շնորհիվ: Բժիշկները շաքարախտով հիվանդներին խորհուրդ են տալիս օգտագործել այս պտուղը առնվազն շաբաթը երկու անգամ: