Խոհանոցային սրբիչները կարող են մահացու վտանգավոր լինել

Խոհանոցային սրբիչների բազմակի օգտագործումը նպաստում է դրանց վրա ախտածին միկրոօրգանիզմների աճին, ինչը կարող է սննդային թունավորման բերել, պարզել են Մավրիկիայի համալսարանի գիտնականները:

Փորձերի ընթացքում հետազոտվել է 100 սրբիչ, որոնք օգտագործվել են մեկ ամիս: Մասնագետները հավաքել են դրանց վրա կուտակված բակտերիաները եւ նույնականացրել ստանդարտ կենսաքիմիական թեստերով: Նրանք նաեւ որոշել են սրբիչի վրա բակտերիալ ծանրաբեռնվածությունը, այսինքն՝ անալիզի ենթարկվող մակերեւույթին դրանց ինչպիսի քանակություն է առկա:

Պարզվել է, որ խոհանոցային սրբիչների 49 տոկոսի վրա դիտվել է բակտերիաների աճ, որն աճել է ընտանիքի անդամների թվին համամասնորեն: Ըստ որում՝ այն սրբիչները, որոնցով սպասքն են չորացրել, չոր ձեռքերն են մաքրել, բռնել են խոհանոցային տաք սպասքը եւ մաքրել մակերեւույթները, ավելի մեծ բակտերիալ կշիռ են ունեցել, քան մեկանգամյա օգտագործման սրբիչները: Բակտերիալ ավելի մեծ կշիռ է հայտնաբերվել նաեւ խոնավ սրբիչների վրա, քան չորերի:

Ախտածին միկրոֆլորայի թվում հայտնաբերվել են կոլիմորֆային բակտերիաներ (36,7 տոկոս), էնթերոկոկեր (36,7 տոկոս) եւ ոսկեգույն ստաֆիլոկոկ (14,3 տոկոս):

Ոսակեգույն ստաֆիլոկոկը առավել հաճախ հանդիպում է ավելի ցածր սոցիալ-տնտեսական կարգավիճակով ընտանիքներում եւ երեխաներ ունեցող ընտանիքներում: Դրան նպաստում է նաեւ մսի արտադրանքի օգտագործումը: Կոլիմորֆային բակտերիաների (աղիքային ցուպիկի խմբի բակտերիաներ) առաջացման վտանգը մեծանում է խոնավ ու բազմակի օգտագործման սրբիչների վրա եւ ընտանիքներում, որոնք հետեւում են մսի արտադրանք պարունակող սննդակարգերին: Թե՛ մեկ, թե՛ մյուս միկրոօրգանիզմները կարող են հայտնվել սնունդի մեջ եւ առաջացնել աղեստամոքսային համակարգի խանգարումներ: