Մարիխուանան գրեթե չի օգնում քրոնիկ ցավերի դեպքում. հետազոտություն

Օնկոլոգիական հիվանդություններով տառապող բազմաթիվ մարդի այն երկրներում, որտեղ մարիխուանան բժշկական նպատակներով օրինականացվել է, դիմում են բուսական այդ թմրանյութի օգնությանը՝ քրոնիկ ցավերից ազատվելու համար: Սակայն, հետազոտությունների համաձայն, հիմք չկա ենթադրելու, որ մարիխուանան նվազեցնում է այլ՝ ոչ օնկոլոգիական հիվանդություններ ունեցողներին:

University of New South Wales Sydney-ի գիտնականները չորս տարի շարունակ հետեւել են ավելի քան 1500 հիվանդների, որոնք ցավեր եւ տագնապ են ունեցել եւ մարիխուանա են օգտագործել: Մեկ այլ խումբ էլ մարիխուանա չի օգտագործել:

Պարզվել է, որ բժիշկները քրոնիկ ցավեր ունեցող որոշ հիվանդների ստիպված են եղել ափիոնային ցավազրկողներ նշանակել՝ չնայած մարիխուանայի հրաշագործ ազդեցության մասին հավաստումներին: Այսպիսով, մարիխուանան առանձնապես արդյունավետ չէ քրոնիկ ցավերի դեմ պայքարում:

Ավելին, մեկ այլ հետազոտություն ցույց է տվել, որ մարիխուանա օգտագործող մարդիկ ավելի շատ ափիոնային ցավազրկողների կարիք ունեն, քանի որ նրանք ավելի սուր են զգում ցավը, քան մարիխուանա չօգտագործող հիվանդները: