Մալարիայի մոծակների ոչնչացումը չի ազդի էկոհամակարգի վրա. հետազոտություն
20:44 30 հուլիսի, 2018Մալարիան փոխանցող մոծակների ոչնչացումը էկոհամակարգի համար բացասական հետեւանքների չի հանգեցնի: Այս եզրակացությանն են եկել Լոնդոնի Կայսերական քոլեջի գիտնականները, նրանց ուսումնասիրությունը հրապարակվել է EurekAlert պորտում:
Գիտնականների համաձայն բնության մեջ չկան կենդանական աշխարհի ներկայացուցիչներ, որոնք այդ մոծակների կարիքն ունեն:
Նրանց փոքր չափը կենդանիների եւ թռչունների համար միջատներին ավելի բարդ թիրախ է դարձնում, ուստի դրանցով գրեթե ոք չի սնվում: Այսպիսով, մալարիայի մոծակները սննդի շղթայում հատուկ տեղ չեն զբաղեցնում, ուստի դրանք կարող են ոչնչացվել:
Վարակի փոխանցողների դեմ հիմնական զենք է նախատեսվում դարձնել գենետիկորեն ձեւափոխված մոծակներին, որոնք դուրս են մղում իրենց ցեղակիցներին:
Այժմ մասնագետները պետք է պարզեն, ինչպես են գենետիկորեն ձեւափոխված մոծակներն իրենց դրսեւորելու ցեղակիցների հետ:
Այսօր աշխարհում արձանագրվում է վարակի մի քանի հարյուր միլիոն դեպք: Միայն 2016-ին դրանից մահացել է շուրջ 450 հազար մարդ: Հիմնականում դրանք մինչեւ հինգ տարեկան երեխաներ էին: