Ցերեկային քնկոտությունը վտանգավոր հիվանդության ախտանի՞շ է
18:52 8 սեպտեմբերի, 2018Տարեցների մոտ ցերեկային քնկոտությունը կարող է լինել Ալցհեյմերի հիվանդության զարգացման ախտանշան, պարզել են Ջոն Հոփքինսի համալսարանի ամերիկացի հետազոտողները: Գիտնականները նաեւ գտել են նոր ապացույցներ, որ գիշերային վատ քունը դեմենցիա է առաջացնում:
«Այնպիսի գործոնները, ինչպիսին են սննդակարգը, ֆիզիկական ծանրաբեռնվածությունը եւ ճանաչողական ակտիվությունը համարվել են Ալցհեյմերի հիվանդության կանխարգելման կարեւոր բաղադրիչներ: Հավանաբար, կարելի հավելել նաեւ լավ քունը»,- ասում է Բլումբերգի Ջոն Հոփքինսի անվան Հանրային առողջապահության դպրոցի հոգեկան առողջության ամբիոնի դոցենտ Ադամ Սփիրան:
Հաղորդվում է, որ հազարավոր կամավորների մասնակցությամբ հետազոտությունն անցկացվել է 1958 թվականից: Մասնավորապես մարդիկ տարբեր տարիների թեստավորում են անցել, բուժզննումներ եւ այլն:
Մասնագետները հանգել են այն եզրակացության, որ հաճախ նիրհելուց գանգատվողների մոտ Ալցհեյմերի հիվանդության հանդեպ հակվածությունը գրեթե 3 անգամ բարձր է եղել, քան նրանց մոտ, ովքեր չափազանց հազվադեպ են ցերեկային քնկոտություն զգացել, փոխանցում է Eurekalert-ը: