Գիտնականները մաշկի քաղցկեղի բուժման համար քիմիաթերապեւտիկ հիդրոգել են մշակել

10:49   29 սեպտեմբերի, 2018

Չինացի գիտնականները մաշկի քաղցկեղի բուժման համար քիմիաթերապեւտիկ հիդրոգել են մշակել:

ACS Nano-ի հաղորդմամբ՝ Չինաստանից գիտնականները գել են ստեղծել, որն ակտիվ հակաքաղցկեղային նյութերին օգնում է խորը թափանցել մաշկի մեջ: Խոսքը պակլիտաքսել քիմիաթերապեւտիկ միջոցի մասին է, որը «փաթեթավորել» են մակերեսից ակտիվ նյութի մեջ, իսկ հետո պատել մի քանի ֆոսֆոլիպիդային շերտով: Ստացված նանոմասնիկները կոչվում են տրանսֆերսոմներ (transfersomes):

Կրծողների մասնակցությամբ փորձի ընթացքում առաջին խմբի մկներին օրական մեկ անգամ մելանոմայով ախտահարված մաշկի վրա գել են քսել, ինչպես նաեւ մի քանի օրը մեկ պակլիտաքսելի ներարկում արել: Երկրորդ խմբի մկներին միայն ներարկում են արել:

12 օր անց առաջին խմբի մկների մոտ ուռուցքի չափը երկու անգամ նվազել է՝ երկրորդ խմբի կրծողների ուռուցքի համեմատ: Հետազոտողները նաեւ ենթադրում են, որ դեղորայքի տեղային կիրառումը կօգնի դանդաղեցնել քաղցկեղային ուռուցքի աճը:



© NEWS.am Medicine