Բրիտանուհին 50 տարեկանում քառյակ է ունեցել (ֆոտո)
11:38 13 նոյեմբերի, 201850-ամյա Թրեյսի Բրիթենը ԱՄԲ միջամտության շնորհիվ քառյակ է լույս աշխարհ բերել: Հիմա Թրեյսին Բրիտանիայի պատմության մեջ քառյակի ամենատարեց մայրիկ պատվավոր կոչման դափնեկիրն է:
Թրեյսին կեսարյան հատմամբ երեք աղջիկ եւ մեկ տղա է ունեցել հղիության 32-րդ շաբաթում: Ներկայումս երեխաները գտնվում են ինտենսիվ թերապիայի բաժանմունքում՝ բժիշկների մշտական հսկողության ներքո: Երջանիկ մայրը հույս ունի նրանց տուն տանել Ծննդյան տոներին:
Սա Թրեյսիի առաջին հղիություն չէ: Կինը մեծ ընտանիք ունի՝ դուստր, 2 որդի եւ 8 թոռ:
ԱՄԲ միջամտությունից առաջ բժիշկները հայտարարել էին, որ Թրեյսին ֆիզիկապես «ոչ մի բանով չի տարբերվում 30-ամյա կնոջից»: Թրեյսին երազում էր չորրորդ երեխայի մասին, սակայն 9-շաբաթական հղիության ժամանակ պարզվել է, որ նա քառյակի է սպասում:
Հղիության 30-րդ շաբաթում բժիշկները հերթական հետազոտության ժամանակ հայտնաբերել են, որ երեխաներից մեկն իրեն վատ է զգում: Հաշվի առնելով, որ դա կարող է վտանգ ներկայացնել նաեւ մյուս փոքրիկներին, կնոջը կեսարյան հատում են կատարել:
Թրեյսին ջանում է չլսել իրեն ուղղված քննադատությունը եւ հայտարարում է իրեն ամբողջությամբ մայրությանը նվիրելու պատրաստակամության մասին:
