Ինչպե՞ս պայքարել վնասակար մթերքների հանդեպ ձգտման դեմ. գիտնականներն անսպասելի միջոց են առաջարկել

Եթե շատ եք ցանկանում ուտել որեւէ վնասակար եւ կալորիական բան, պարզապես հոտոտեք այդ ճաշատեսակը, իսկ ավելի լավ է՝ ձեզ դրա բույրով շրջապատեք: Նման անսպասելի խորհրդով են հանդես եկել University of South Florida College of Business-ի գիտնականները:

Նրանց խոսքով՝ ճաշատեսակի բույրը բավական է ցանկությունը բավարարելու համար: Բանն այն է, որ ուղեղը ոչ միշտ է ճանաչում զգայական բավարարման աղբյուրները եւ կարող է «կշտանալ» նաեւ միայն բույրով:

Գիտնականները նշում են, որ հոտերի նման բարակ սենսորային ազդակները կարող են ավելի արդյունավետ լինել, քան փորձագետների քաղաքականությունը: Փորձերով անմիջական կապ է հայտնաբերվել բուրավետ ազդակի ներգործության տեւողության եւ մարդու կողմից վնասակար մթերք գործածելու միջեւ:

Փորձի շրջանակում կամավորների խմբին առաջարկել են գնահատել առողջ սննդի եւ վնասակար մթերքների հոտերը. եղել են ինչպես կարկանդակներ ու պիցցա, այնպես էլ ելակ ու խնձոր: Պարզվել է, որ եթե կամավորները կարկանդակի հոտը շնչում  էին 30 վայրկյանից պակաս, այն ուտելու ցանկությունը մեծ էր: Իսկ ահա 2 րոպեից ավելի շնչելու դեպքում հակառակը, կարկանդակի հանդեպ ձգտումը նվազում էր, եւ կամավորներն ավելի հաճախ ելակն էին ընտրում: