Վիրաբույժներն իրարից անջատել են ընդամենը 3-օրական սիամական երկվորյակներին (ֆոտո)
10:32 12 դեկտեմբերի, 2018Հնդկաստանում վիրաբույժներին հաջողվել է իրարից անջատել սիամական երկվորյակներին, որոնք ընդամենը 3-օրական էին: Ծնողները մտավախություն ունեին, որ վիրաբուժական միջամտությունը փոքրիկների կյանքին վտանգ կսպառնա, սակայն բժիշկներին հաջողվել է նրանց տարհամոզել, հայտնում է The Daily Mail-ը:
Ուշագրավ է, որ վիրահատությունն անվճար է կատարվել, քանի որ ծնողները, որոնց անունները չի հրապարակվում, վճարելու հնարավորություն չունեին: Վիրահատությունը տեւել է ընդհանուր 5 ժամ: Վիրահատությանը մասնակցել է 5 վիրաբույժից, 10 բժշկից եւ 15 բուժքրոջից կազմված խումբը:
Ծանր վիրահատությունից հետո բուժանձնակազմը փոքրիկների հետ սելֆի է արել:
Սիամական երկվորյակները, որոնք սերտաճում են մաշկով եւ ներքին օրգաններով, չափազանց հազվադեպ են ծնվում՝ 200 հազար կենդանածին նորածնից մեկ դեպքում:
Սիամական երկվորյակների 40-ից մինչեւ 60 տոկոսը լույս աշխարհ է գալիս մահացած, իսկ մոտ 35 տոկոսը միայն մեկ օր է ապրում:
Սիամական երկվորյակների ընդհանուր ապրելիությունը կազմում է միջինը 5-25 տոկոս: Ընդ որում՝ աղջիկների ողջ մնալու հավանականությունը ավելի մեծ է, քան տղաներինը:
Source: The Daily Mail
Photos: India Photo Agency/SWNS.com