Դատարանը թույլ է տվել բժիշկներին անդամատել տղամարդու ոտքը՝ նրա ցանկությանը հակառակ
21:31 14 դեկտեմբերի, 2018Բրիտանիայում դատարանը թույլ է տվել բժիշկներին անդամատել տղամարդու ոտքը՝ նրա ցանկությանը հակառակ:
The Independent-ը հաղորդում է, որ տղաամրդու ոտքը ախտահարել էր գանգրենան: Վիրահատությունից նա հրաժարվել էր, թեեւ լուրջ վտանգ կար, որ գանգրենան կտարածվի ողջ մարմնով եւ կսպանի նրան:
Հիվանդանոցի ղեկավարությունը ստիպված է եղել դատարան դիմել հիվանդի ախտահարված վերջույթը անդամատելու թույլտվութուն ստանալու համար: Դատավորը կլինիկայի օգտին որոշում է կայացրել:
Դատարանի որոշման համաձայն բժիշկները կարող են անդամատել տղամարդու ոտքը, եթե անգամ նա դիմադրի:
Բայց հավանաբար հիվանդը հանգստացնող դեղեր կստանա: Դատարանը դիտարկել է նման տարբերակը խնդրի լուծման համար եւ անդամատման նպատակով թույլատրել է դրանց օգտագործումը:
Հարկադրական վիրահատության մասին վճիռը կայացնող դատավորը համարել է, որ հիվանդը չի կարողացել ինքնուրույն իր բուժման մասին ճիշտ որոշում ընդունել: