Անհաջող պլաստիկ վիրահատություն. Երիտասարդ կինը կրծքի իմպլանտների պատճառով մահվան եզրին էր հայտնվել
23:45 18 դեկտեմբերի, 201834-ամյա Անդրեա Քինգի կյանքն իսկական դժոխքի վերածվեց, երբ նա որոշեց մի քանի չափով մեծացնել իր կուրծքը:
The Daily Mail-ը հաղորդում է, որ կինն ընդհանուր առմամբ 25 հազար դոլար է ծախսել կուրծքը А չափից С դարձնելու համար:
Անդրեան հույս ուներ, որ դա իրեն վստահություն կվերադարձնի, սակայն դրա փոխարեն նա առողջական խնդիրների հետ բախվեց:
4 տարվա ընթացքում նա հիվանդանոցում բազմաթիվ հետազոտություններ է անցել. բժիշկները նրա մոտ բազմաթիվ խորհրդավոր ախտանշաններ էին գտնում, որոնք բացատրություն չունեին: Անդրեայի մոտ մեկ ռեւմատոիդային արթրիտ էին կասկածում, մեկ գայլախտ, մեկ Շեգրենի համախտանիշ: Ցածր իմունիտետի պառտճառով կինն անգամ ՄԻԱՎ անալիզ էր հանձնել:
Կնոջ համար դժվար էր անգամ սանդուղքով բարձրանալ, ուսերում եւ պարանոցում ուժեղ ցավեր էին սկսվում, գլխապտույտ, հոդերում եւ մկաններում ցավեր: Բացի այդ քրոնիկ բակտերիալ վարակներ, արյան շրջանառության հետ կապված խնդիրներ, քրոնոժիկ դիարեա էր հայտնաբերվել:
Սա 54 ախտանիշների միայն փոքր մասն է, որոնք հայտնաբերվել էին Անդրեայի մոտ:
Արդյունքում Անդրեան ստիպված էր սեփական հետաքննությունն անցկացնել: Պարզվել էր, որ նրա մոտ այսպես կոչված կրծքի իմպլանտի հիվանդություն է զարգացել, երբ իմունային համակարգը «ապստամբում է» օտարածին մարմնի դեմ:
Իմպլանտների հեռացումից հետո կնոջ վիճակը կարգավորվել է: