2-րդ տիպի դիաբետի բուժման տարածված դեղերը անվտանգ չեն. հետազոտություն
10:27 25 դեկտեմբերի, 2018Պարզվել է, որ 2-րդ տիպի դիաբետի բուժման տարածված դեղերը անվտանգ չեն: Xinhua-ն հայտնում է, որ խոսքը սուլֆոնիլմոչեւինի եւ բազալ ինսուլինի մասին է:
Գիտնականները պարզել են, որ այս դեղամիջոցները մեծացնում են սրտի նոպայի, կաթվածի եւ նույնիսկ վերջույթների անդամահատման հավանականությունը: Սովորաբար սուլֆոնիլմոչեւին եւ բազալ ինսուլին նշանակում են մետֆորմին ընդունելուց հետո:
Հետազոտությանը մասնակցել է 132737 դիաբետիկ: Պարզվել է, որ սուլֆոնիլմոչեւին ընդունելուց հետո սիրտ-անոթային բարդությունների հավանականությունը 36 տոկոսով մեծացել է, իսկ բազալ ինսուլին ստանալու դեպքում՝ 200 տոկոսով: Այս ցուցանիշները ներկայացվել են նոր դասի դեղամիջոցներ՝ ԴՊՊ-4 (դիպեպտիդիլ պեպտիդազա) ինհիբիտորներ ընդունելու համեմատությամբ:
Մասնագետների կարծիքով՝ մետֆորմինից հետո արժի նշանակել այնպիսի հակադիաբետիկ միջոցներ, ինչպես GLP-1 ագոնիստները կամ լիրագլուտիդը, SGLT-2 ինհիբիտորները կամ էմպագլիֆլոզինը, ԴՊՊ-4 ինհիբիտորը կամ էլ սիտագլիպտինը:
Մինչդեռ, սուլֆոնիլմոչեւինի եւ բազալ ինսուլինի համեմատությամբ դրանք բոլորը զգալիորեն ավելի թանկ են: