Ինչու՞ ձեր ավտոմեքենայի օդի թարմացուցիչը պետք է վարդի բույր ունենա
13:05 9 հունվարի, 2019Ավտոմեքենայի սրահում վարդերի բույրը կարող է պաշտպանել վթարներից: Այսպիսի անսպասելի եզրակցության են եկել Սասեքսի համալսարանի (Բրիտանիա) գիտնականները:
Մեքենայում օդի թարմացուցիչի լավագույն բույրն ընտրելու համար վարման խթանիչի օգտագործմամբ արտասովոր հետազոտություն են անցկացրել: Մասնագետները թարմացուցիչն այնպես են ստեղծել, որ վթարներում հայտնվելու բարձր վտանգավորության իրավիճակներում որոշակի բույր է արտադրվել: Ընդ որում ստուգվել է, թե ինչպես է մարդը նման հանգամանքներում արձագանքում իր անվտանգության սպառնալիքին:
Փորձագետները փորձարկել են վարդերի, մուշկի, կիտրոնի եւ այլ բույրեր:
Արդյունքում պարզվել է, որ վարդի բույրը 64 տոկոսով նվազեցրել է վթարներում հայտնվելու վտանգը, մինչդեռ մուշկի բույրը 46 տոկոսով մեծացրել է դժբախտ պատահարի վտանգը:
Գիտնականները նշել են, որ հոտառությունը շատ ավելի հին զգացողություն է, քան տեսողությունը կամ լսողությունը: Այդ պատճառով ղեկին հոտերին մարդու արձագանքը ավելի արագ է տեղի ունենում, քան տեսողական կամ լսողական ազդանշաններին:
Միեւնույն ժամանակ մասնագետները կարծում են, որ վարդերի բույրը, որը պաշտպանում է վթարներից, չպետք է անընդհատ զգացվի մեքենայում, քանի որ այդ դեպքում դրանից կախվածություն է առաջանում: Մեքենայում օդը, նրանց խոսքով, պետք է բուրումնավետ դառնա ճանապարհին վտանգավոր իրավիճակի առաջացման ժամանակ: