Ինչպե՞ս նիհարել տոներից հետո. 5 օգտակար խորհուրդ

20:00   10 հունվարի, 2019

Եթե ամանորյա տոներին մի քանի ավելորդ կիլոգրամներ եք հավաքել եւ հիմա մտածում եք, թե դրանցից ինչպես ազատվեք, ապա ձեր ուշադրությանն ենք ներկայացնում մի քանի խորհուրդներ, որոնք ձեզ կօգնեն:

Շատ ջուր խմեք

Եթե սիրտ-անոթային կամ այլ հիվանդություններ չունեք, որոնց դեպքում ջրի քանակությունը պետք է սահմանափակել, օրվա ընթացքում 2 լիտր չգազավորված ջուր խմեք կամ առանց շաքարի թեյ: Առաջին բաժակ ջուրը պետք է խմել վաղ առավոտյան՝ նախաճաշից առաջ:

Ըստ գրաֆիկի սնվեք

Քաղցած մի մնացեք, աշխատեք հաճախակի ուտել՝ օրական 5 անգամ եւ քիչ-քիչ: Ավելին՝ աշխատեք ըստ գրաֆիկի սնվել, ասենք՝ ժամը 9-ին, 11-ին, 13-ին, 15-ին եւ 18-ին:

Ընթրիքը ճիշտ ընտրեք

Ցանկալի է ընթրել քնելուց մի քանի ժամ առաջ, ամենաուշը՝ 3 ժամ առաջ, ընդ որում՝ ցանկալի է ընթրիքի համար թեթեւ սնունդ ընտրել՝ թեթեւ ապուր, եփած սպիտակ միս կամ ձուկ, թթվաշ կաթնամթերք:

Հրաժարվեք վնասակար սնունդից

 Տոներից հետո նիհարելու համար ձեր սննդակարգից բացառեք ամբողջ վնասակար սնունդը՝ տապակած եւ յուղոտ ամեն ինչը, ցանկացած ֆաստ ֆուդ, երշիկեղենը, մայոնեզը: Խորհուրդ է տրվում նաեւ սահմանափակել քաղցրի եւ խմորեղենի գործածումը:

Բեռնաթափման օրեր կազմակերպեք

Շաբաթը մեկ անգամ կարող եք բեռնաթափման օր կազմակերպել. օրվա ընթացքում խորհուրդ է տրվում ուտել միայն մեկ տեսակի մթերք՝ խնձոր, կեֆիր կամ, օրինակ, առանց աղի ու համեմունքների հնդկաձավար:



© NEWS.am Medicine