Կնոջ օրգազմը 15 տոկոսով մեծացնում է բեղմնավորման հնարավորությունը
22:45 11 հունվարի, 2019Սեքսի ընթացքում կնոջ օրգազմը 15 տոկոսով մեծացնում է երեխայի բեղմնավորման հնարավորությունը: Այս մասին գրում է Metro-ն՝ հղում անելով Քորքի համալսարանական քոլեջից դոկտոր Ռոբերտ Քինգի հետազոտությանը:
Օրգազմին նվիրված իր գրքում Քինգը նշում է, որ կանանց օրգազմի դեպքում տղամարդու սերմնահեղուկը բառացի ներծծվում է ձվարանի դոմինանտ ֆոլիկուլի մեջ՝ դրանով իսկ բարձրացնելով բեղմնավորման հնարավորությունները:
Հետազոտությանը ներգրավվել է 26-52 տարեկան կանայք, որոնք պետք է տան պայմաններում վիբրատորի օգնությամբ օրգազմի հասնեին: Հատուկ քսուքի օգնությամբ, որը նման է տղամարդու սերմնահեղուկին, հաջողվել է չափել արգանդում կեղծ սերմնահեղուկի գտնվելու ժամանակը՝ ինչպես օրգազմի ժամանակ, այնպես էլ առանց դրա:
Պարզվել է, որ օրգազմի ժամանակ կնոջ օրգանիզմում 15 տոկսով ավելի շատ կեղծ սերմնահեղուկ է «պահվել», ինչը մեծացրել է հղիանալու հնարավորությունը:
Քինգը չի բացառում, որ այս երեւույթի գաղտնիքը կապված է օրգազմի ժամանակ օքսիտոցին հորմոնի արտադրության հետ, որը արգանդի փողերի ալիքաձեւ կրճատումներ է առաջացնում:
Փորձագետ բժիշկ Հանա Վիսնովան նշում է, որ կնոջ օրգազմի դերը բեղմնավորման ժամանակ կարեւոր է նաեւ սթրեսից ազատվելու համար։ Բանն այն է, որ զույգերը, որոնք փորձում են բնական ճանապարհով հղիանալ, կարող են սիրով զբաղվելը հասցնել սովորական եւ քիչ հետաքրքիր զբաղմունքի։ Դա, իր հերթին, կարող է հանգեցնել զգացմունքային անկայունության, հարաբերություններում խնդիրների, տխրության, տագնապի եւ նույնիսկ սեռական օտարության։
Այսպիսով, ֆիզիկական մտերմության ընթացքում զուգընկերոջը հաճույք պատճառելու ցանկությունը կարող է կարեւոր դեր խաղալ երեխայի բեղմնավորման ժամանակ։