Ձիթապտղի յուղի գործածումը կօգնի նվազեցնել թրոմբների առաջացման հավանականությունը
23:46 8 մարտի, 2019Նույնիսկ շաբաթական մեկ անգամ ձիթապտղի յուղի գործածումը կօգնի նվազեցնել թրոմբների առաջացման հավանականությունը:
Հայտնի է, որ ճարպակալմամբ տառապող մարդկանց շրջանում սրտի նոպաների եւ կաթվածի հավնականությունը մեծ է: Սակայն ձիթապտղի յուղի գործածումը ճարպակալման պոտենցիալ սպառնալիքը նվազեցնում է՝ դրանով նվազեցնելով սիրտ-անոթային համակարգի հիվանդությունների հավանականությունը:
Նյու Յորքի համալսարանի բժշկական ֆակուլտետի մասնագետները հետազոտության շրջանակում վերլուծել են ճարպակալմամբ տառապող 63 մարդու արյան ցուցանիշները: Փորձարկվողների միջին տարիքը կազմել է 32,2 տարեկան, նրանք չեն ծխել եւ դիաբետով հիվանդ չէին:
Պարզվել է, որ նրանց շրջանում, ովքեր շաբաթը թեկուզ մեկ անգամ ձիթապտղի յուղ են գործածել, թրոմբոցիտների ակտիվությունը ցածր մակարդակ է ունեցել: Ավելին ձիթապտղի յուղի ավելի հաճախակի գործածումը էլ ավելի մեծ արտահայտվածությամբ դրական էֆեկտ է ունեցել:
Հիշեցնենք, որ հյուսվածքների վնասվածքների դեպքում հենց թրոմբոցիտների շնորհիվ է տեղի ունենում արյան մակարդումը:
Հետազոտությունը ներկայացվել է Ամերիկյան սրտաբանական ասոցիացիայի գիտական նստաշրջանի շրջանակում: