Կինն անաֆիլակտիկ շոկի մեջ ընկավ սերմնահեղուկը կուլ տալուց հետո
22:26 12 մարտի, 2019Իսպանիայում արտասովոր դեպք տեղի ունեցավ. 31-ամյա կինն ընկավ անաֆիլակտիկ շոկի մեջ զուգընկերոջ սերմնահեղուկը կուլ տալուց հետո։
Ինչպես պարզվեց, կինը, որի անունը չի նշվում, պենիցիլինից ալերգիա ուներ։ Իսկ նրա զուգընկերն ականջի վարակի պատճառով բուժվում էր հակաբիոտիկներով։ Օրալ սեքսի ժամանակ կինը կուլ տվեց սիրեցյալի սերմնահեղուկը, ինչից հետո նրա մոտ սրտխառնուք եւ շնչահեղձություն սկսվեց։
Կնոջ վիճակն այնքան վատացավ, որ նրան հիվանդանոց տարան։ Այստեղ բժիշկները փաստեցին, որ անաֆիլակտիկ շոկն առաջացել է սերմնահեղուկի միջոցով հակաբիոտիկի փոխանցման պատճառով։ Արժե նշել, որ սա նման առաջին դեպքն է բժշկության պատմության մեջ։ Պացիենտը լիակատար ապաքինվեց մեկ շաբաթում։
Այս միջադեպից հետո իսպանացի բժիշկները բոլոր նրանց, ովքեր տառապում են դեղամիջոցներից ալերգիայով, կոչ են անում նկատի ունենալ օրալ սեքսի պոտենցիալ վտանգը։ Բացի այդ, տրվել են հակաբիոտիկներով բուժվելու ընթացքում պահպանակներ օգտագործելու խորհուրդներ այն դեպքերում, եթե այդ դեղամիջոցները կարող են զուգընկերոջ մոտ ալերգիկ ռեակցիա առաջացնել։
Եզակի դեպքը մանրամասն նկարագրված է British Medical Journal Case Reports ամսագրում։