Գիտնականները տարիքային կատարախտի դեմ պայքարի համեղ միջոց են գտել

Գունավոր մրգերի եւ բանջարեղենի օգտագործումը կարող է կանխել տարիքային կատարախտի առաջացումը։ Այս մասին նշվում է American Journal of Clinical Nutrition-ում հրապարակված հետազոտությունում, որի հեղինակներն են Սիանի Ցզյաո Տուն համալսարանի (Xian Jiaotong University) եւ Հարավային Ավստրալիայի համալսարանի (University of South Australia) գիտնականները։

Գիտնականները վերլուծել են 20 հետազոտություն (8 ռանդոմիզացված եւ 12 կոհորտային), որոնցում ուսումնասիրվել է վիտամինների եւ կարոտինոիդների ազդեցությունը տարիքային կատարախտի առաջացման հավանականության վրա։ Պարզվել է, որ կարոտինոիդների եւ այնպիսի վիտամինների օգտագործումը, ինչպիսին են А, С, Е, β-կարոտինը, իսկապես կարող է նվազեցնել այդ հիվանդության զարգացման վտանգը։

Ստացված տվյալները վկայում են այն մասին, որ տարիքային կատարախտի կանխման գործում նշանակալի դեր է խաղում սննդի մեջ ցիտրուսայինների, տաքդեղի, գազարի, լոլիկի, սպանախի, բրոկոլիի եւ կաղամբի ներառումը։

Համաձայն Առողջապահության համաշխարհային կազմակերպության՝ դեպքերի 33 տոկոսում տեսողության վատացման պատճառը չվիրահատված կատարախտն է։ Բացի այդ, այդ հիվանդությանը բաժին է ընկնում կուրության դեպքերի 35 տոկոսը։