Երկվորյակները, որոնց ապրելու հավանականությունը 5 տոկոս էր գնահատվում, մոր արգանդում բարդ վիրահատության են ենթարկվել (ֆոտո)
16:40 11 ապրիլի, 2019Երկվորյակներ Մաթիլդա եւ Ֆելիսիթի Հարվիննները կարողացել են ողջ մնալ՝ չնայած հղիության ժամանակ ախտորոշված ծանր հիվանդությանը: Խոսքը ֆետո-ֆետալ տրասնֆուզիայի մասին է (TTTS), որի ժամանակ պտուղների արյան հոսքը էականորեն տարբեր է (միացնող անոթների առաջացման պատճառով անհամաչափություն արյան ծավալում):
Տվյալ ախտանիշը կապված է հաշմանդամության բարձր վտանգի հետ եւ ծանր դեպքերում պտուղների մահացությունը տատանվում է 60-100 տոկոսի սահմաններում: TTTS-ն առաջանում է բոլոր մոնոխորիալ հղիությունների 5.5-17.5 տոկոսի ժամանակ:
The Daily Mail-ը հաղորդում է, որ վիրահատությունից հրաժարվելը 95 տոկոսով փոքրիկներին մահվամբ էր սպառնում, մինչդեռ վիրահատական միջամտությունը մինչեւ 30 տոկոսով մեծացնում էր ապրելու հավանականությունը:
Չնայած առկա վտանգներին՝ ծնողները այնուամենայնիվ որոշել են դիմել ներարգանդային վիրահատությանը: Իրավիճակը բարդանում էր նրանով, որ երկվորյակներից մեկը, արյան ճնշման հետ կապված խնդիրների պատճառով մոր արգանդում կաթված էր ունեցել:
Երկվորյակները լույս աշխարհ են եկել հղիության 32-րդ շաբաթում՝ 2018 թվականի հուլիսի 29-ին՝ անհապաղ կեսարյան հատումից հետո: Փոքրիկները 4 շաբաթ անցկացրել են ինտենսիվ թերապիայի բաժանմունքում: Այժմ աղջիկները 8 ամսական են եւ բժիշկները չնայած ուղեղի վնասման որոշակի մտավախությունների, գոհ են նրանց զարգացումից: Մաթիլդան եւ Ֆելիսիթին դեռ բժիշկների մշտական վերահսկողության տակ են, սակյան ծնողները հույս ունեն, որ փոքրիկները կարողացել են խուսափել լուրջ բարդությունների զարգացումից:
Source: The Daily Mail
Photos: Caters News Agency