330 կգ կշռող տղամարդը կրկնակի նիհարել է՝ վախենալով վաղաժամ մահից
16:25 26 ապրիլի, 2019ԱՄՆ-ի Օկլահոմա նահանգի Ֆերվյու քաղաքից 35-ամյա Քայլաս Գիվենսը, ով 330 կգ էր կշռում, տարվա ընթացքում կրկնակի նիհարել է:
Քայլասը՝ My 600-lb Life հաղորդման մասնակիցներից մեկը, մանկուց ճարպակալում է ունեցել: Ավելրոդ քաշն, ըստ նրա, նրան թույլ չէր տալիս ժամանակ անցլացնել Ջեսիկա անունով սիրելիի եւ երեք խորթ աղջիկների հետ: Ավելին՝ վերջին 2.5 տարին նա գամված էր անկողնուն, շնչում էր թթվածնային դիմակով եւ համարյա չէր շարժվում:
Երբ ճարպակալումն արդեն իրական սպառնալիք էր դարձել նրա կյանքի համար, Քայլսը որոշել է վերջապես նիհարել:
Նա օգնության համար դիմել է հայտնի վիրաբույժ Յունան Նովզարադանին: Երբ եկել է հիվանդանոց, նրա ոտքերում ինֆեկցիա են հայտնաբերել եւ անմիջապես հոսպիտալացրել:
2 ամիս անց՝ գտնվելով Նովզարդանի հսկողության տակ, Քայլասը մոտ 96 կգ է կորցրել: Այնուհետ ամերիկացուն տեղավորել են ֆիզիոթերապիայի կենտրոն:
Դուրս գրվելուց հետո առանց բժիշկների հսկողության նիհարեցման գործընթացը դանդաղել է: Հետագա 2 ամիսներին նա 2.3 կգ է կորցրել: Սակայն արդյունքում նրան հաջողվել է 123 կգ կորցնել:
Միայն դրանից հետո նրան քաշի նվազեցման վիրահատություն են կատարել: Քայլասը շարունակել է նիհարել, սկսել է շնչել առանց թթվածնային դիմակի եւ առաջին անգամ երկար տարիների ընթացքում կարողացել է վեր կենալ եւ զբոսնել:
Արդյունքում նրա քաշը նվազել է մինչեւ 142 կգ:
Վերջերս Քայլասն իր զուգընկերուհուն առաջարկել է ամուսնանալ իր հետ, նա համաձայնել է:
«Ես այնքան մոտ եմ այն կյանքին, որի մասին միշտ երազել եմ», — ասել է նա: