Հրապարակվել են ոտնաթաթի հազվադեպ անոմալիայով մարդու ցնցող լուսանկարները (ֆոտո)
17:37 7 մայիսի, 2019Հնդկաստանի 25-ամյա բնակիչը տառապում է հազվագյուտ բնածին արատով, որը նրա աջ ոտքի մատներն այնքան ահռելի է դարձրել, որ նա հազիվ է կարողանում քայլել: BMJ-ն հայտնում է, որ նշված տղամարդու մոտ ախտորոշվել է լիպոմատոզի մակուլոդիստրոֆիա, որն առաջացնում է ոսկորների եւ հյուսվածքների անոմալ աճ:
Ծաղրից ու ծանակումից խուսափելու համար հինդուսը մանկության տարիներից հագնում է արատը թաքցնող հատուկ գուլպաներ եւ կոշիկ: Տղամարդը վախեցել է վիրահատվել՝ մտավախություն ունենալով, որ վիրաբուժական միջամտությունից հետո հիվանդությունը կվերադառնա, բայց ավելի վատթար ձեւով: Սակայն 20 տարեկանում առողջական վիճակն այնքան է վատթարացել, որ նա հազիվ էր քայլում: Հենց այս հանգամանքն է նրան ստիպել համաձայնվել վիրաբույժի նշտարի տակ պառկել:
Բուժումն իրականացվել է Նյու Դելիի Բժշկական գիտությունների համահնդկական ինստիտուտում: Շտկման կարիք ունեին աջ ոտքի միայն երկու մատները: Ռենտգենով պարզվել է, որ դրանց ոսկորները եւ փափուկ հյուսվածքները սաստիկ ձեւախախտված են:
Սովորաբար լիպոմատոզի մակուլոդիստրոֆիան ախտահարում է ստորին վերջույթները եւ հատկապես ոտնաթաթերը: Նման վիճակը հաճախ սխալ է ախտորոշվում. բժիշկներն այն շփոթում են այլ հիվանդությունների հետ, այդ թվում՝ առաջին տիպի նեյրոֆիբրոմատոզի կամ անոթային մալֆորմացիայի հետ:
