Ինչու՞ են հավկիթները խորհուրդ տալիս բանջարեղենի հետ ուտել
20:24 17 մայիսի, 2019Հավկիթները խորհուրդ են տալիս բանջարեղենի հետ ուտել. այդպիսով օրգանիզմը կարող է մեծ քանակությամբ հակաօքսիդանտներ յուրացնել, ինչպես պնդում են Պեռդյուի համալսարանի գիտնականները:
Նրանց հետազոտության համաձայն՝ բանջարեղենի հետ ձվերի օգտագործման ժամանակ օրգանիզմի կողմից օգտակար նյութերի յուրացման աստիճանը զգալիորեն բարձրանում է: Մասնավորապես կարոտինոիդիներ հակաօքսիդանտային նյութերի քանակը, որոնք պարունակվում են պոմիդորներում, հազարի տերեւներում եւ գազարում հավկիթների հետ օգտագործման ժամանակ կարող է 9 անգամ ավելանալ:
Գիտնականները փորձեր են անցկացրել, որոնց ժամանակ տղամարդիկ բանջարեղենային աղցանների մի քանի տարբերակներ են կերել՝ առանց ձվերի եւ տարբեր քանակությամբ ձվերով:
Պարզվել է, որ աղցանում ձվերի ավելացման դեպքում օրգանզիմում ավելացել է բետա կարոտինի, ալֆա կարոտինի, լիկոպինի, լյուտեինի եւ զեակսանտինի յուրացումը: Ընդ որում լյուտեինի եւ զեակսանտինի աղբյուր է եղել ձվի դեղնուցը, իսկ մնացած նյութերը պարունակվել են բանջարեղենում:
Մասնագետները խորհուրդ են տալիս բանջարեղենային աղցաններում ավելացնել հավկիթներ: Նրանք հիշեցրել են, որ գազարում պարունակող բետա կարոտինը օրգանիզմում փոխակերպվում է A վիտամինի, որն օգնում է լավ տեսողություն եւ ուժեղ իմունային համակարգի պահպանմանը:
Պոմիդորներում պարունակվող լիկոպինը նպաստում է թոքերի, շագանակագեղձի, ստամոքսի քաղցկեղի ռիսկի զարգացման նվազմանը: