Գեղեցիկ արեւայրուք ստանալու ցանկությունը 21-ամյա Բետանի Մեյսոնի համար թանկ է արժեցել: Թուրքիա ծովափ մեկնելու ուղեւորության ժամանակ կինը որոշել է հրաժարվել ավանդական արեւապաշտպան քսուքներից եւ գազարի յուղ օգտագործել, որը SPF չէր պարունակում: Արդդյունքում Բետանիի մոտ զարգացել է այսպես կոչված արեւային թունավորում:
The Daily Mail-ը հաղորդում է, որ արեւի տակ երկար մնալու հետեւանքով Բետանիի դեմքը բառացիորեն ուռել է: Այտուցվածությունն ամենից շատ եղել է կոպերի շրջանում, ինչը բացասաբար է ազդել նրա տեսողության վրա:
Բժիշկները նրա մոտ արեւային թունավորում են ախտորոշել, որը սովորաբար ուղեկցվում է այտուցներով, տենդով, սրտխառնոցով եւ գլխապտույտով:
Նրան անհրաժեշտ դեղեր են նշանակել եւ երեք օրվա բուժումից հետո այտուցվածությունը իջել է, սակայն աղջկան երկար ժամանակ չէր կարելի արեւի տակ գտնվել:
Դեպքից հետո Բետանին փորձում է բարձրացնել տեղեկացվածությունն առանց SPF յուղերի օգտագործման մասին: Համարվում է, որ գազարի յուղը մաշկին գեղեցիկ արեւայրուք է հաղորդում, սակայն չի պաշտպանում արեւից: