Օքսֆորդի եւ Հարվարդի գիտնականները պատմել են, թե ինչպես է համացանցը փոխում մարդու ուղեղը

23:49   10 հունիսի, 2019

Գիտնականների միջազգային խումբը պարզել է, որ համացանցն իսկապես ազդում է ուղեղի վրա, ընդ որում փոփոխություններն անդրադառնում են ուշադրության, հիշողության եւ սոցիալական փոխազդեցության հատվածների վրա:

«Համացանցում հարցումների եւ ծանուցումների անսահման հոսքն առաջացնում է  ուշադրության մշտական ցրվածություն, ինչն արդյունքում նվազեցնում է մեկ խնդրի վրա կենտրոնանալու կարողությունը», - MedicalXpress-ի հաղորդմամբ՝ այս մասին հայտնում է NICM Բժշկական հետազոտությունների ինստիտուտի ավագ գիտաշխատող Ջոզեֆ Ֆյորտը:

Մի կողմից համաշխարհային սարդոստայնը ցանկացած տեղեկատվության հասանելիության յուրատեսակ միջոց է: Սակայն հաշվի առնելով այն, որ այդ տեղեկատվական բազան բառացիորեն ձեռքի տակ է, դա կարղ է անդրադառնալ գլուղեղում տեղեկատվության պահպանման վրա:

Համացանցի հնարավոր բացասական հետեւանքները նվազագույնի հասցնելու համար փորձագետները, մասնավորապես, խորհուրդ են տալիս համացանցի օգտագործման ժամանակ  նվազեցնել բազմախնդրայնությունը, կրճատել երեկոյան ժամերին օնլայն ակտիվությունը, ավելի շատ ուշադրություն դարձնել անձնական շփմանը:

Դա հատկապես կարեւոր է երեխաների դեպքում. ծնողները պետք է սահմանափակեն այն ժամանակը, որը նրանք անցկացնում են սմարթֆոնների եւ համակարգիչների առաջ:

Պետք է հիշել, որ երեխաներն առավել խոցելի են նման երեւույթների դեպքում, ինչպիսիք են կիբերահաբեկումները եւ ադդիկտիվ վարքագծի (կախվածության) ձեւավորումը:

Հետազոտության արդյունքները հրապարակվել են World Psychiatry ամսագրում: Հետազոտության ուղղությամբ աշխատել են Սիդնեյի Արեւմտյան համալսարանի, Հարվարդի համալսարանի, Կինգս քոլեջի, Օքսոֆորդի համալսարանի եւ Մանչեսթերի համալսարանի մասնագետները:



© NEWS.am Medicine