Կինը մինչեւ իր հարսանիքը նիհարել է 170 կիլոգրամով (ֆոտո)
18:09 6 հուլիսի, 2019Ճարպակալմամբ տառապող Ջուն Մակքեմին Տեխասից կարողացել է արմատապես փոխել կյանքը՝ նիհարելով գրեթե 170 կիլոգրամով։
Ինչպես տեղեկացնում է The Daily Mail-ը, կինը տառացիորեն կախված էր ֆասթֆուդից այն բանից հետո, երբ ութ տարի առաջ նրա 17-ամյա տղան հանկարծակի մահացել էր։ Վիշտն ուտելիքի մեջ խեղդելով՝ Ջունը հասավ 367 կիլոգրամի։ Դա չէր կարող չանդրադառնալ նրա առողջության վրա. ճարպակալման պատճառով կինը կաթված էր ստացել եւ ունեցել սրտի նոպա։ Դրանից հետո նա վերանայել է կյանքն ու որոշել արմատապես փոխել այն։
Ջունն օգնության համար դիմել է բժիշկներին եւ ստամոքսի շունտավորման վիրահատություն տարել։ Վիրաբուժական միջամտությունից հետո նրան հաջողվել է աստիճանաբար նիհարել ավելի քան 160 կիլոգրամով։ Բացի այդ, վիրահատությամբ հեռացրել են նաեւ ավելորդ մաշկը։ Այսօրվա դրությամբ կնոջ քաշը 100 կիլոգրամ է։
Նիհարած եւ բարեկազմ դարձած Ջունը հարսանիք է արել եւ հույս ունի, որ իր կյանքում ավելի երջանիկ փուլ կսկսվի։
