Գիտնականները պսակազերծել են սուրճի մասին առասպելը

11:00   8 օգոստոսի, 2019

Ամերիկացի գիտնականները պսակազերծել են սուրճի մասին ամենատարածված առասպելներից մեկը:

Հետազոտությանը մասնակցել է 785 մարդ, որոնց վիճակին հետեւել են ավելի քան 5 հազար օր: Կամավորները պետք է օրագրում գրառեին քնելուց առաջ 4 ժամում ծխած ծխախոտի կամ խմած ալկոհոլի եւ կոֆեին պարունակող ըմպելիքների քանակությունը: Դրանից բացի, նրանք պետք է ամեն օր գնահատեին իրենց քնի որակը:

Պարզվել է, որ սուրճի կամ թեյի գործածումը բացասական ազդեցություն չի ունենում քնի տեւողության եւ արդյունավետության վրա: Հակառակ պատկեր է հայտնաբերվել ծխելու կամ ոգելից խմելու դեպքում:

Հետազոտության արդյունքները հրապարակվել են Sleep գիտական ամսագրում:



© NEWS.am Medicine