Միակն աշխարհում. հազվագյուտ հիվանդությունը 20 տարեկան երիտասարդին ծերունու է վերածում
20:00 9 օգոստոսի, 2019Անգլիայի 20-ամյա բնակիչ Հարրի Քրոութերը հազվագյուտ գենետիկ դեֆեկտի՝ պրոգերիայի պատճառով վերածվում է զառամյալ ծերունու: Փորձագետների գնահատակններով՝ այն 50 միլիոնից մեկ մարդու մոտ է հանդիպում եւ այսօրվա դրությամբ հայտնի է մոտ 350 դեպքի մասին: Պրոգերիան բնութագրվում է օրգանիզմի վաղաժամ ծերացմամբ:
The Daily Mail-ի համաձայն՝ Հարրին աշխարհում միակ տղամարդն է, որի մոտ հայտնաբերվել է ատիպիկ պրոգերիայի համախտանիշ (atypical progeria syndrome): Այս վիճակը տարբերվում է մանկական պրոգերիայից, որը հայտնի է որպես Հաթչինսոն-Հիլֆորդի համախտանիշ: Արյան նոսրացման համար երիտասարդը ստիպված է ամեն օր ստատիններ ընդունել:
Հարրին 5 անգամ ավեկլի արագ է ծերանում, քան սովորական մարդը եւ առողջության հետ կապված մի շարք «ծերունական» խնդիրներ ունի (օրինակ՝ արթրիթ եւ արագ է հոգնում): Բացի այդ, իր տարիքի համար, նա ունի մարմնի թերզարգացած կազմվածք:
Նրա մայրը՝ Շարոնը դա նկատել էր, երբ Հարրին դեռ երեխա էր, սակայն ճիշտ ախտորոշումը կարողացել էին միայն ԱՄՆ-ում տալ: Այդ ժամանակ Հարրին 7 տարեկան էր: Այդ ժամանակվանից հիվանդանոցներ այցելելը սվորական էր դարձել նրա եւ նրա ընտանիքի անդամների համար:
Հայտնի է, որ պրոգերիայի ժամանակ կյանքը զգալիորեն կրճատվում է եւ մինչեւ հասուն տարիքն ապրելու հնարավորություն գրեթե չկա:
Չնայած ախտորոշմանը՝ Հարրին փորձում է նորմալ կյանքով ապրել. սիրում է ճանապարհորդել, շփվել. համակարգչային խաղեր խաղալ:
«Ես փորձում եմ իրադարձությունների լուսավոր կողմը տեսնել: Եթե իմ ուժերից վեր է ինչ-որ բան փոխելը, ապա էլ ինչ է մնում ինձ անել», - նշում է նա: