Կոկորդի ինֆեկցիայի պատճառով 11-ամսական փոքրիկը զրկվել է 4 վերջույթներից
16:08 12 օգոստոսի, 2019Կոկորդի չախտորոշված ինֆեկցիան ճակատագրական է եղել Մեծ Բրիտանիայից 11-ամսական Օլիվեր Էիսթորփի համար:
Metro-ն հայտնում է, որ նրա մայրը՝ Էբիգեյլը, մի օր ուշադրություն է դարձրել երեխայի տկարության վրա, սակայն ընդհանուր պրակտիկայի բժիշկը նրան հավաստիացրել է, որ լուրջ խնդիրներ չկան: Հաջորդ օրը փոքրիկի վիճակը վատթարացել է, եւ հիվանդանոցում նրա մոտ հայտնաբերել են սեպսիս, որն առաջացել էր կոկորդի չախտորոշված ինֆեկցիայի հետեւանքով:
Օլիվերը ողջ է մնացել, բայց կորցրել է երկու ձեռքերն ու երկու ոտքերը: Նրա մայրը սարսափով պատմում է, որ նրա ոտքի հյուսվածքներում փտման պրոցեսներն այնքան ուժեղ էին, որ բերել են վերջույթի ինքնաադամահատման, երբ ինքը փորձել է նրան մահճակալից բարձրացնել:
Հիմա՝ վերապրած բոլոր ցնցումներից հետո Էբիգեյլը երջանիկ է, որ իր երեխան կարողացել է ողջ մնալ: Նրա խոսքով՝ չնայած իր հաշմանդամությանը, Օլիվելը լի է կյանքով եւ ջանում է հնարավորության սահմաններում ֆիզիկական ակտիվություն դրսեւորել: