Տարեց տղամարդը մաշկի քաղցկեղի հետեւանքով մահացել է բժիշկների անփութության պատճառով
09:42 13 օգոստոսի, 2019Անգլիայից 89-ամյա Ջորջ Հոբսը մի քանի ամիս շարունակ ապարդյուն փորձել է բժիշկների ուշադրությունը գրավել իր առողջական խնդիրների վրա:
KentOnline-ը հայտնում է, որ Ջորջի գլխին նորագոյացությունը սկսել է աճել, երբ անցյալ տարվա օգոստոսին նա ընկել է եւ գլխին հարված ստացել: Փետրվարին, երբ ուռուցքը մեծացել է մինչեւ ձվի չափերի, նա բժշկական օգնության է դիմել: Տեղական թերապեւտը նրան երեք անգամ տուն է ուղարկել՝ ցավազրկողներ նշանակելով, մինչ, վերջապես, ուղարկել է նեղ մասնագետների մոտ:
Արդյունքում՝ մաշկի քաղցկեղն ախտորոշվել է միայն մայիսին, իսկ հուլիսի 25-ին հիվանդը մահացել է:
Ջորջի մերձավորները պահանջում են բժիշիկների անփութության մանրակրկիտ քննություն կատարել: Նրա հիվանդության պատմությունն ուսումնասիրելիս նրանք գտել են Ջորջի ձեռագրով գրառում. «Խնդրում եմ, օգնեք ինձ, դա այնքան ցավոտ է»: «Սա անչափ հոգեցունց է: Որեւէ մեկը պե՞տք է պատասխանատվություն ստանձնի տեղի ունեցածի համար»,- նշում է նրա դուստրը: