6-ամյա տղան գենային մուտացիայի պատճառով երբեք պինդ սնունդ չի կերել
20:00 15 օգոստոսի, 2019Օհայոյի 6-ամյա բնակիչ Քոէն Բրամլին բացառիկ գենային մուտացիայի պատճառով ի վիճակի չէ պինդ սնունդ ուտել:
PEOPLE-ը հաղորդում է, որ ծնողներն ինչ-որ կասկածելի բան են նկատել, երբ 4 ամսականում փորձել էին նրա սննդաբաժնում պինդ սնունդ ներառել, սակայն փոքրիկ Քոէնը դրանից սրտխառնոց էր ունեցել: Բացի այդ երեխան չափազանց հաճախ էր հիվանդանում տարբեր ինֆեկցիաներով:
Բժիշկները մի քանի տարի չէին կարողանում ախտորոշում տալ, մինչեւ որ պարզել էին, որ պինդ սնունդ չընդունելու պատճառը գենային մուտացիան է: Հենց նա է ազդում իմումային համակարգի եւ մարսողության վրա:
Արդյունքում իմունային բջիջները սկսում են հարձակվել կլանված պինդ սնսնդի վրա՝ այն որպես օտարածին մարմին համարելով:
Ներկայումս Քոէնը աշխարհում միակ մարդն է, որի մոտ պաշտոնապես նման տարօրինակ մուտացիա է հայտնաբերվել:
Սակայն բժիշկները չեն բացառում, որ հիվանդները կարող են շատ լինել եւ նրանց վիճակը պարզապես ախտորոշված չէ այս կամ այն պատճառներով:
Հիվանդությունից բուժումը, որի գոյության մասին բժշկական հանրությունն անգամ չէր կասկածում, գոյություն չունի:
Մինչ այդ բժիշկները հույս ունեն, որ առողջական վիճակը կարող է բարելավվել ոսկրածուծի փոխպատվաստման շնորհիվ:
Անցկացված անալիզների համաձայն՝ պոտենցիալ դոնորներ կարող են լինել Քոէնի հարազատ եղբայրները եւ քույրերը: