Stent for Life ծրագրի չափանիշները փոփոխվում են. Այսուհետ ավելի մեծ թվով քաղաքացիներ կկարողանան օգտվել ծրագրից

Stent for Life ծրագրի չափանիշները փոփոխվում են, ինչի հետեւանքով ավելի մեծ թվով քաղաքացիներ կկարողանան օգտվել ծրագրից։ Այս մասին իր Ֆեյսբուքյան էջում տեղեկացրել է Առողջապահության նախարար Արսեն Թորոսյանը։

«Այսօր ստորագրեցի հրաման, որով փոփոխվում են «Կյանքի ստենտ» (Stent for Life) ծրագրի չափանիշները:

• Այս փոփոխությունների արդյունքում մեր շատ քաղաքացիներ, ովքեր դուրս էին մնում ծրագրից, այսուհետ կընդգրկվեն դրանում, քանի որ ավելացվել է այն ախտանիշների թիվը, որոնցով որոշվում էր պացիենտի համապատասխանությունը ծրագրին:
• Այսուհետ առանց ST սեգմենտի էլեվացիայի այն դեպքերը, երբ առկա է սրտամկանի իշեմիայի կլինիկական պատկեր, արյան մեջ տրոպոնինի 1000 և ավելի նգ/լ ցուցանիշով, նույնպես կստենտավորվեն անվճար` պետական պատվերի շրջանակներում: Արդյունքում կունենանք մոտ 10-15% ավելի շատ միջամտություններ այս կյանք փրկող պետական ծրագրի շրջանակներում», – գրել է նախարարը: