Մոսկվայի վիրաբույժները հեռացրել են 25 կիլոգրամանոց ուռուցքը
11:14 24 օգոստոսի, 2019Մոսկվայի Ն. Է. Բաումանի անվան № 29 քաղաքային կլինիկական հիվանդանոցի վիրաբույժները հեռացրել են 59-ամյա պացիենտի 25 կիլոգրամանոց ուռուցքը:
Առողջապահության քաղաքային վարչությունը հայտնում է, որ պացիենտը հիվանդանոց է դիմել դժվարացած շնչառությամբ եւ ուժեղ ցավերով: Նա չի կարողացել պառկել եւ դժվարությամբ է շնչել:
Պարզվել է՝ պացիենտը ձվարանի հսկայական ուռուցք է ունեցել:
Վիրաբույժները հեռացրել են այն եւ հիստոլոգիական հետազոտությունը ցույց է տվել, որ այն բարորակ է: Կշեռքը սակայն ցույց է տվել, որ ուռուցքը 25 կգ է կշռում:
Բժիշկների խոսքով՝ նրանք առաջին անգամ էին նման մեծ ուռուցք տեսնում: Նրանք նշել են, որ նման ուռուցքները ուշ են հայտնաբերվում պացիենտների՝ իրենց առողության նկատմամբ անուշադիր վերաբերմունքի եւ ժամանակին բժշկական օգնության չդիմելու պատճառով:
Նրանք ընդգծել են, որ պացիենտները վտանգում են իրենց կյանքը՝ կարծելով, որ ամեն ինչ ինքնուրույն կանցնի եւ չցանկանալով իրենց ժամանակը ծախսել ուլտրաձայնային հետազոտությունների վրա: