Էլեկտրոնային սիգարետներն ազդում են արյունատար անոթների վրա նույնիսկ մեկ անգամ օգտագործելուց հետո. հետազոտություն
23:43 26 օգոստոսի, 2019Էլեկտրոնային սիգարետներն ազդում են արյունատար անոթների վրա անգամ մեկ անգամ օգտագործելուց հետո։ Այս մասին ասվում է Radiology ամսագրում հրապարակված հետազոտությունում։
Ինչպես տեղեկացնում է CNN-ը, վեյփինգն ազդում է անգամ առողջ մարդկանց արյունատար անոթների գործունեության վրա։ Օրինակ, ՄՌՏ-ի օգնությամբ ազդրային զարկերակի արյան հոսքի փոփոխություններ են հայտնաբերվել անգամ վեյփինգի մեկանգամյա օգտագործումից հետո։ Այնինչ, գիտնականներն առայժմ չեն կարողանում բացատրել, թե հատկապես որ քիմիական նյութն է դրա պատճառը։
Հետազոտողները ուշադրություն են դարձնում այն հանգամանքին, որ արյան հոսքի փոփոխությունները ժամանակավոր բնույթ են կրում։ Սակայն չի բացառվում, որ էլեկտրոնային սիգարետների մշտական օգտագործման պարագայում դրա ազդեցությունն արյունատար անոթների վրա նույնքան արագ չի լինի, որքան վեյփինգի մեկանգամյա օգտագործման ժամանակ։