Գիտնականները գտել են Տուրետի համախտանիշով պացիենտների տիկերի հաճախությունը նվազեցնելու միջոցը
21:31 13 սեպտեմբերի, 2019Ճապոնացի գիտնականները նոր մեթոդ են մշակել, որի օգնությամբ կարելի է նվազեցնել Տուրետի համախտանիշով պացիենտների տիկերի թիվը:
Այս հիվանդությամբ մարդիկ ակամա շարժումներ են կատարում, որոնք կոչվում են տիկեր: Պացիենտը չի կարողանում կառավարել այդ տիկերը, որոնք ինչ-որ բանով նման են կարճատեւ ջղակծկումներին:
Մինչեւ հիմա այս հիվանդության դեմ դեղեր չեն հայտնաբերվել, ուստի առայժմ անհնար է այն բուժել: Պացիենտների վիճակը թեթեւացնելու համար բժիշկները նրանց դոֆամինի բլոկադա են կատարում, ինչպես նաեւ անցկացնում հոգեթերապիայի սեանսներ:
Օսակայի համալսարանի Ստոմատոլոգիական կլինիկայի գիտնականների խումբը առաջարկել է կիրառել հատուկ բեկակալ, որն ամրացվում է պացիենտի ծնոտին: Այս բեկակալն օգնել է պացիենտների մեծամասնության տիկերի թիվը նվազեցնել:
Մասնագետները նշում են, որ բեկակալի շնորհիվ 14 տարեկանից փոքր պացինետներից շատերի մոտ տիկերն ընդհանրապես դադարել են, իսկ մնացյալ տարիքային խմբերում տիկերի հաճախության նվազումը հասել է 50 տոկոսի: