Բուսական դիետան ոչ միայն կօգնի նիհարել, այլեւ կնվազեցնի ռեւմատոիդ արթրիտի ախտանշանները

Համաձայն Frontiers in Nutrition-ում հրապարակված հետազոտության՝ բուսական դիետան կօգնի ոչ միայն նիհարել, այլեւ թեթեւացնել ռեւմատոիդ արթրիտի հետ կապված բորբոքումը, տեղեկացնում է «Վեստի.Մեդիցինա»-ն։

Բուսական դիետան՝ կազմված մրգերից, բանջարեղեններից, հացահատիկազգիներից եւ լոբազգիներից, կարող է չափազանց օգտակար լինել ռեւմատոիդ արթրիտ ունեցող մարդկանց համար, ասվում է Բժշկության համար պատասխանատու բժիշկների կոմիտեի (PCRM) մամուլի ամփոփագրում։

Կլինիկական փորձերի մետա-անալիզ եւ բուժզննման հետազոտություններ իրականացնելով՝ PCRM-ի մասնագետները հայտնաբերել են ռեւմատոիդ արթրիտի վրա բուսական դիետայի ազդեցության չորս տարբերակ.

• Բուսակերային դիետայի հետեւող պացիենտները С-ռեակտիվ սպիտակուցների ավելի ցածր մակարդակ ունեն՝ կապված բորբոքման հետ;
• Ճարպի քիչ պարունակությամբ եւ բջջանյութի բարձր պարունակությամբ դիետան նվազեցնում է առավոտյան կաշկանդվածությունը եւ հոդերի այտուցվածությունը;
• Բուսական դիետաները նպաստում են ավելի լավ նիհարելուն, քան այն դիետաները, որոնք միս են պարունակում։ Ընդ որում՝ 5 կիլոգրամ քաշ կորցնելը երեք անգամ բարձրացնում է արթրիտի դեպքում ռեմիսիայի հավանականությունը;
• Վերջապես, բջջանյութով հարուստ դիետան կարող է բազմազան դարձնել աղիքային մանրէները, ինչը նույնպես կօգնի մեղմել ռեւմատոիդ արթրիտի բորբոքումը։

Այս հետազոտությունը հույս է տալիս, որ կերակրացանկի պարզ փոփոխության դեպքում հոդերի ցավը, այտուցն ու այլ հիվանդագին ախտանշանները կարող են նվազել կամ անգամ վերանալ։