20 մլն դոլար կծախսվի դիսլեքսիայի դեմ դեղամիջոց գտնելու համար

22:38   16 սեպտեմբերի, 2019

Ֆինանսիստ եւ ֆիլանտրոպ Չառլզ Շվաբը, ում կարողությունը գերազանցում է 8 մլրդ դոլարը, 20 մլրդ դոլար է տրամադրել Կալիֆոռնիայի համալսարաններին (Բերքլի եւ Սան Ֆրանցիսկո)՝ դիսլեքսիայի դեմ դեղամիջոց գտնելու համար:

Ինչպես հաղորդում է Xinhua-ն, գիտնականները պետք է դիսլեքսիա ունեցող մարդկանց համար որոշում գտնեն: Այդ հարցերով զբաղվող հետազոտական կենտրոնը կբացվի աշնանը:

Այդ խնդրի նկատմամբ Շվաբի հետաքրքրությունը հիմնված է սեփական փորձի վրա. նա «դիսլեքսիա» ախտորոշում է ստացել 40 տարեկանում, չնայած նրան, որ վաղ տարիքից նման բարդույթներ է ունեցել:

Փորձագետների խոսքով՝ ընթերցելու, մաթեմատիկական խնդիրներ լուծելու, գրելու եւ տարբեր կոգնիտիվ ֆունկցիաների հետ կապված խնդիրները հանդիպում են դպրոցականների 5-15%-ի մոտ: Տառերը եւ բառերը դժվար ճանաչող երեխաների շրջանում դիսլեքսիա ախտորոշվում է 80%-ի մոտ: 



© NEWS.am Medicine