Գիտնականները նշել են կյանքը երկարացնող պարզ մթերքներ
13:19 23 սեպտեմբերի, 2019Որոշակի օրինաչափություն կա մարդկանց սննդակարգի եւ կյանքի տեւողության միջեւ. կարծիք կա, որ որոշ մթերքներ երկարացնում են կյանքի տեւողությունը։
Սննդագետ Մարիյաթ Մուխինան «Արգումենտի ի ֆակտի» թերթին ասել է, որ խոսքն առաջին հերթին այն մթերքների մասին է, որոնք պարունակում են հակաօքսիդանտներ՝ նյութեր, որոնք դիմակայում են ԴՆԹ-ն քայքայող եւ բջիջների մահանալուն նպաստող ազատ ռադիկալներին։
Շատ հակաօքսիդանտներ է պարունակում կանաչ թեյը, որը նաեւ միզամուղ է, նյութափոխանակության կատալիզատոր։
Այնուհետեւ գալիս են խուրման եւ փշարմավը. խուրման պարունակում է 23 ամինաթթու, այդ թվում՝ տրիպտոֆան, որը կայունացնում է հոգեկանն ու բարձրացնում տրամադրությունը, իսկ փշարմավը պարունակում է մեծ քանակությամբ վիտամին А, որը դանդաղեցնում է ծերացումն ու մասնակցում օրգանիզմի իմունային պրոցեսներին։
Հետո հաջորդում է հապալասը, որում կան հակաուռուցքային ակտիվությամբ նյութեր՝ անտոցիաններ։ Հաջորդը լոլիկն է, որը, շնորհիվ լիկոպին հակաօքսիդանտի, օգնում է հաղթահարել շատակերությունն ու պաշտպանում է ավելորդ քաշ հավաքելուց։
Սննդաբանը կյանքը երկարացնող մթերքներից է համարում նաեւ թթու կաթնամթերքները, որոնց բաղադրության մեջ են մտնում օգտակար ամինաթթուներ, վիտամիններ եւ կալցիում։
Նշենք, որ սննդաբաժնում հակաօքսիդանտների ավելցուկը նույնպես առանձնապես օգտակար չէ. վերջերս նկարագրվել է մի դեպք, երբ հակաօքսիդանտների մեծ քանակությունը սննդաբաժնում վնասել է տղամարդու երիկամները։