Գիտնականներն առաջարկել են շագանակագեղձի քաղցկեղի բուժման նոր մոտեցում

Բատա համալսարանի  գիտնականները ներկայացրել են դեղամիջոցների նոր կարգ, որոնք արգելակում են շագանակագեղձի քաղցկեղի եւ մի շարք այլ ուռուցքային հիվանդությունների հետ կապված սպիտակուցի ակտիվությունը:

MedicalXpress-ը հայտնում է, որ խոսքը α-մեթիլացիլ-КоА-ռացեմազա (AMACR) կոչվող սպիտակուցի մասին է: Շագանակագեղձի քաղցկեղի բոլոր տեսակներում այս սպիտակուցի եւ դրա ակտիվության ցուցանիշները 10 անգամ մեծ են: Նույնպիսի պատկեր է դիտվում նաեւ քաղցկեղի շատ այլ տեսակների դեպքում:

Շագանակագեղձի քաղցկեղի բջիջներում գենետիկայի մեթոդների միջոցով AMACR-ի մակարդակի նվազեցումը քաղցկեղը պակաս ագրեսիվ է դարձնում. քաղցկեղային բջիջներն իրենց վարքագծով առողջ բջիջների են նմանվում:

Գիտնականները չեն բացահայտում իրենց հետազոտության բոլոր մանրամասները: Սակայն հայտնի է, որ ստացել են որոշակի միացություններ, որոնք թիրախային ազդեցություն ունեն սպիտակուցի ակտիվության վրա եւ դադարեցնում են քաղցկեղի զարգացումը: