Բացահայտվել են խնձորի քացախի անհավանական հատկություններ
23:08 16 հոկտեմբերի, 2019Խնձորի քացախը ոչ միայն կարեւոր բաղադրիչ է շատ բաղադրատոմսերի համար, այլեւ անհավանական օգտակար մթերք, որը կարող է բարելավել գրեթե բոլոր հիմնական ներքին օրգանների վիճակը։ Օտարերկրյա գիտնականները, ուսումնասիրելով խնձորի քացախի օգտակարությունը, ասում են, որ դժվար է գտնել մեկ այլ նման մթերք, որն այդքան համալիր ազդեցություն կունենա օրգանիզմի վրա, տեղեկացնում է Planet-today-ը։
Խնձորի քացախի լուծույթը, ինչպես ցույց են տալիս հետազոտությունները, զգալիորեն նվազեցնում է եռագլիցերիդների մակարդակը եւ պաշտպանում խոլեստերինի մակարդակի վնասակար տատանումներից։ Գումարած՝ խնձորի քացախն օգնում է վերահսկել զարկերակային ճնշումը, որը հաճախ դառնում է սիրտ-անոթային համակարգի լուրջ խնդիրների պատճառ։
Խնձորի քացախի օգտագործումն օգտակար է շաքարային դիաբետի եւ նախադիաբետային վիճակի ժամանակ, քանի որ քացախը նվազեցնում է շաքարի մակարդակն արյան մեջ եւ բարելավում օրգանիզմի զգայունակությունն ինսուլինի հանդեպ։ Եթե պարբերաբար խնձորի քացախի երկու գդալ խմեք քնելուց առաջ, ապա կարելի է ապահովել ոչ վատ պաշտպանություն դիաբետից։
Խնձորի քացախն օգնում է հաղթահարել ավելորդ քաշի խնդիրը, ինչպես նաեւ կիրառվում է վտանգավոր օնկոլոգիական հիվանդությունների կանխարգելման համար։ Բացի այդ, քացախը կարելի է օգտագործել նաեւ որպես արդյունավետ ախտահարող միջոց արտաքին օգտագործման համար, որը վերացնում է պաթոգեն միկրոօրգանիզմների մեծ մասը։