Գիտնականները հայտնաբերել են վիրուսի նոր տեսակ, որը նման չէ ուրիշ որեւէ տեսակի

Ճապոնացի գիտնականները հայտնաբերել են վիրուսի նոր տեսակ, որը նման չէ ուրիշ որեւէ տեսակի եւ չի տեղավորվում այդ ինֆեկցիոն գործակալների մասին ժամանակակից պատկերացումներում։

Ինչպես տեղեկացնում է Science Alert պարբերականը, խոզերի կղանքում հայտնաբերված վիրուսը պատկանում է պիկորնավիրուսների ընտանիքի (Picornaviridae) մինչ այժմ անհայտ G (EV-G) էներգավիրուսների տեսակին։

Այն չունի կառուցվածքային սպիտակուցներ, որոնք ձեւավորում են վիրուսային մասնիկը։ Որպես կանոն, վիրուսը բաղկացած է գենետիկ նյութից (ԴՆԹ-ից կամ ՌՆԹ-ից), որը դրված է սպիտակուցային պաշտպանիչ թաղանթում՝ կապսիդում։ Բայց կոնկրետ այս վիրուսում սպիտակուցները կապսիդի կազմում կոդավորող գեները փոխարինված են անհայտ գեներով։

Որպես EV-G տեսակ 2 նշված վիրուսը, ի տարբերություն մյուս էներգավիրուսների, չի կարող ինքնուրույն թափանցել տեր-բջջի մեջ։ Համաձայն գիտնականների ենթադրությունների՝ այն դրա համար օգտագործում է այլ վիրուս, որը կարող է «փոխ տալ» կառուցվածքային սպիտակուցներ, որոնք անհրաժեշտ են EV-G-ի տարածման համար։ Գուցե նման օգնական է EV-G տեսակ 1-ը։

Մասնագետները նախատեսում են ուսումնասիրել էներգավիրուսների երկու տեսակների փոխգործակցության գործընթացը՝ հասկանալու համար EV-G տեսակ 2-ի բազմացման սկզբունքները։

Լուսանկարը՝ Cynthia S. Goldsmith / Yiting Zhang / CDC