61-ամյա կինն իր առաջնեկին ունեցել է ամուսնալուծությունից հետո

11:09   2 նոյեմբերի, 2019

Բրազիլիայի Լոնդրինա քաղաքից 61-ամյա Անա Մարիա Պոնտելո Մորեյրան իր առաջնեկին ունեցել է արտամարմնային բեղմնավորման օգնությամբ:

Daily Mirror-ի հաղորդմամբ՝ երեխան ծնվել է կեսարյան հատման միջոցով եւ ծնվելիս կշռել է 3,4 կգ: Մայրը նրան Յան է անվանել:

«Հուսով եմ՝ իմ պատմությունը կոգեշնչի մարդկանց: Ես գիտեմ, որ շատ տարեց կանայք երազում են մայր դառնալու մասին, սակայն վախենում եմ: Իմ երազանքը ես իրականացրել եմ»,- ասել է բրազիլուհին:

2014-ին նա ամուսնալուծվել է: Մինչ ամուսնալուծությունը նա հերթագրվել է երեխա որդեգրելու համար, սակայն ամուսնալուծությունից հետո կինը որոշել է դիմել արտամարմնային բեղմնավորման օգնությանը:

«Ես արհեստական բեղմնավորման եմ դիմել, քանի որ մնացել եմ առանց զուգընկերոջ: Հղիությունը հանգիստ է անցել»,- պատմել է կինը:

«Թերապիայի ժամանակ ստիպված եմ եղել հորմոններ ընդունել: Բուժումը թանկ է եղել: Կային մարդիկ, որոնք չէին հավատում ինձ: Սակայն այժմ ես երջանիկ եմ»,- կիսվել է նա:

Կադրը՝ mirror.co.uk-ի   



© NEWS.am Medicine