Բժիշկներին հաջողվել է փրկել շինարարի կյանքը. երկաթե ձողը ծակել է նրա մարմինը՝ կոնքից մինչեւ սիրտը (ֆոտո)

Չինաստանի Չժեցզյան նահանգի Հուչժոու քաղաքում բժիշկներին հաջողվել է փրկել 22-ամյա շինարարի կյանքը, ով 4 մետր բարձրությունից ընկել է ամրանի վրա:

Unilad պարբերականի հաղորդմամբ՝ ամրանը ծակել է նրա մարմինը կոնքի հատվածում, դիպչել աղիքներին, լյարդին եւ թոքերին՝ անցնելով ընդամենը 3 սմ դեպի սիրտը: Ցավից շինարարը կորցրել է գիտակցությունը:

Նրան տեղափոխել են Second Affiliated Hospital Zhejiang University School of Medicine, որտեղ տղամարդուն վիրահատել են, ընդ որում, վիրահատությանը մասնակցել են լյարդի եւ մարսողական համակարգի եւս երկու մասնագետ: Վիրահատությունը երկարատեւ եւ բարդ է եղել, այն ավարտվել է հաջորդ օրը գիշերը:

Պացիենտի կյանքը հաջողվել է փրկել, բարդացումներ չեն եղել: Այժմ շինարարը շարունակում է բուժումը: 

Լուսանկարը՝ AsiaWire-ի