Միգրենի դեմ նոր դեղամիջոցը հաղթահարել է կլինիկական փորձարկումների երրորդ փուլը
20:29 22 նոյեմբերի, 2019Միգրենի դեմ նոր դեղամիջոցը հաղթահարել է կլինիկական փորձարկումների երրորդ փուլը, որոնց ընթացքում հաջողվել է ապացուցել դրա անվտանգությունն ու արդյունավետությունը։
Խոսքը ուբրոգեպանտի՝ միգրենի դեմ նոր սերնդի դեղամիջոցի (գեպանտների դասից) մասին է, որն արտադրում է Allergan ընկերությունը։ Գեպանտները, ինչպես հայտնի է, ուղղված են կալցիտոնին-գեն-շաղկապված պեպտիդ-առանցքային մոլեկուլի դեմ, որը մասնակցում է ցավի առաջացմանը եւ ուղեկցում միգրենի ախտանշաններին։
Հետազոտությունների ընթացքում հատկապես լավ է դրսեւորվել խմելու համար նախատեսված 50 միլիգրամ չափաբաժինը։ Միջոցը կարելի է խմել հենց նոպայի ժամանակ՝ նվազեցնելու համար միգրենի ախտանշանների արտահայտվածությունը (ցավը, սրտխառնոցը, լույսի եւ ձայնի հանդեպ զգայունակությունը)։ Դրա էֆեկտը նկատելի է դառնում 2 ժամվա ընթացքում։
Դեղն ստեղծողների խոսքով՝ ուբրոգեպանտը հիանալի ընտրություն կլինի նրանց համար, ովքեր չեն կարող խմել տրիպտաններ (վտանգավոր են սրտի հիվանդությունների ժամանակ)։