Կինը կրծքագեղձի քացկեղը աճեցրած մազերի շնորհիվ է հայտնաբերել
10:51 5 փետրվարի, 202025-ամյա Լորա Լարկինը՝ շոտլանդական Ուեսթ Լոթիան շրջանի Լիվինգսթոն քաղաքից, իր կրծքի մեջ ուռուցք է հայտնաբերել, երբ լոգանքից հետո սանրելիս է եղել աճեցրած մազերը։
Unilad թերթը հայտնում է, որ Լորան ավելի քան երկու տարի օգտվել է մազերի աճեցման ծառայությունից։ 2018թ․ նա հերթական անգամ աճեցրել է մազերը Բատգեյթ քաղաքի գեղեցկության սրահում, եւ դա, Լորայի կարծիքով, օգնել է փրկել իր կյանքը։
Լոգանքից հետո նա սանրել է 45 սանտիմետրանոց մազերը, որոնք նրա կրծքից ներքեւ էին հասնում։ Նա մատները մտցրել է մազերի մեջ եւ կոշտուկ է զգացել աջ կրծքի տակ։ Այն նրան կասկածելի է թվացել, եւ Լորան դիմել է բժշկի։ Հետազոտությունները ցույց են տվել, որ նրա մոտ կրծքագեղձի երրորդ աստիճանի քաղցկեղ է։
Քաղցկեղի հետ Լորան առաջին անգամ չէր առնչվում՝ մինչ այդ բժիշկները նրա կրծքից 9 միլիմետրանոց ուռուցք էին հեռացրել, եւ նա վստահ էր, որ վերջնականապես հաղթել է քաղցկեղին։ Պարզվել է, որ հիվանդությունը վերադարձել է։ Ավելին, անալիզները ցույց են տվել, որ նրա մոտ կա BRCA2 գեն, որը բարձրացնում է կրծքագեղձի քաղցկեղով հիվանդանալու հավանականությունը։ Իմանալով այդ մասին՝ Լորան կրծքագեղձը հեռացնելու վիրահատության որոշում է կայացրել։
Լուսանկարը՝ Globallookpress.com-ի