Պեկին վերադարձող բոլոր քաղաքացիները կմեկուսացվեն
15:36 15 փետրվարի, 2020Պեկին վերադարձող բոլոր քաղաքացիները կարանտինի մեջ կլինեն 14 օրով։ Այս մասին տեղեկացնում է BBC-ն։
Արձակուրդներից Չինաստանի մայրաքաղաք վերադառնալուց հետո բնակիչներին ասվել է, որ կամ ինքնամեկուսանան, կամ գնան կարանտինի համար հատուկ նախատեսված վայրեր։
Պեկինի վիրուսների կանխարգելման աշխատանքային խմբից ստացված ծանուցումը ստացվել է այն ժամանակ, երբ բնակիչները Չինաստանի այլ քաղաքներում լուսնային Նոր տարին անցկացնելուց հետո վերադառնում էին մայրաքաղաք:
Պեկինում ապրում է ավելի քան 20 միլիոն մարդ:
Նշենք, որ երեկ Եգիպտոսը հաստատեց Աֆրիկայում առաջին կորոնավիրուսի դեպքը։
Մինչ այժմ՝ Ուհան քաղաքից սկիզբ առած վիրուսի հետեւանքով ամբողջ աշխարհում զոհվել է մոտ 1500, վարակված է՝ մոտ 66 հազար մարդ։