Կինը զրկվել է ականջից սոլյարիների հանդեպ սիրո պատճառով
19:17 18 փետրվարի, 2020Անգլիայի Մեծ Մանչեսթեր կոմսության Բոլթոն քաղաքից Անտեա Սմիթը զրկվել է ականջից սոլյարիների հանդեպ սիրո պատճառով:
Ինչպես հայտնում է Unilad-ը, Անտեան 14 տարեկանից հաճախել է սոլյարիներ: Նա այդ ժամանակ չի իմացել, որ ուլրտամանուշակագույն ճառագայթները կարող են մաշկի քաղցկեղ առաջացնել:
«Ես վատ սովորություն ունեի՝ մշտապես արեւայրուքով լինել»,- ասել է նա:
44 տարեկանում նրա մոտ մելանոմա է հայտնաբերվել, որն ազդել է ձախ ականջի վրա: Նա 2 վիրահատություն է տարել:
Այժմ Անտեան չի կարողանում լսել ձախ ականջով: Բացի այդ, կա ռիսկ ,որ քաղցկեղը կկրկնվի:
«Արեւայրուքի համար պետք չէ նման ռիսկի դիմել»,- ասել է նա: