Կորոնավիրուսի զոհերի թիվը հասել է 2619-ի, Հայաստանը 2 շաբաթով դադարեցնում է Իրանի հետ հաղորդակցությունը
09:31 24 փետրվարի, 2020COVID-19 կորոնավիրուսի զոհերի թիվը հասել է 2619, վերջին մեկ օրում գրանցվել է մահվան 150 դեպք: Վարակվածները կազմում են 79 561, առողջացածները՝ 25 057: 11 659 պացիենտ (հոսպիտալացվածների 22 տոկոսը) հիմա ծանր կամ կրիտիկական վիճակում է:
Կորոնավիրուսային ինֆեկցիայի տարածումը կանխելու համար Հայաստանի կառավարությունն ընդունելու է արտահերթ հեռակա որոշում Իրանի հետ երկու շաբաթով հաղորդակցությունը դադարեցնելու մասին: Այս մասին իր Facebook-յան էջում գրել է Հայաստանի վարչապետ Նիկոլ Փաշինյանը: Մասնավորապես՝ նախատեսվում է դադարեցնել Իրանի հետ օդային հաղորդակցությունը եւ Մեղրիի հսկիչ անցակետով Հայաստան մուտքը:
Ըստ worldometers.info/coronavirus/ կայքի տեղեկությունների՝ Իրանում գրանցվել է կորոնավիրուսային ինֆեկցիայի 43 դեպք, որից 8-ը՝ մահվան ելքով:
Հարավային Կորեայում կորոնավիրուսով վարակման դեպքերի թիվը հասել է մինչեւ 763-ի. վերջին մեկ օրում գրանցվել է 161 նոր դեպք եւ մահվան 7 դեպք: